एतत् पृष्ठम् अपरिष्कृतम् अस्ति
244
अरण्यकाण्ड:
मारीचाश्रमपुनर्गमनम्
अमृतमशितुं शीलमस्त्येषामिति अमृताशिनः तैः ॥ १७ ॥
प्लवा: - मण्डूका: [७] वैडूर्याभा: श्यामा प्रस्तराः यस्मिन् अनूपे स तथा । सागरतेजसा- सागरोभिवेन । स्निग्धं-सान्द्रम् -शीतलम् ॥ १८ ॥
पाण्डराणि विशालानि दिव्यमाल्ययुतानि च ।
तूर्यगीताभिजुष्टानि विमानानि समन्ततः ।। १९ ।।
तपसा जितलोकानां कामगान्यभिसंपतन् ।
गन्धर्वाप्सरसश्चैव ददर्श धनदानुजः ॥ २० ॥
उच्यमान विशेषणकानि विमानान्यपि संपतन्- गच्छन् मार्गवशात् ददर्शेत्यग्रेण संबन्धः ॥ २० ॥
निर्यासरसमूलानां चन्दनानां सहस्रशः ।
वनानि पश्यन् सौम्यानि घ्राणतृप्तिकराणि च ॥ २१ ॥