एतत् पृष्ठम् परिष्कृतम् अस्ति
६९ सर्ग:]
101
तस्यासीदवशादेव हृदये तु महद्भयम्
पीठे कार्ष्णायसे चैनं निषण्णं कृष्णवाससम् ।
प्रहसन्ति स्म राजानं प्रमदाः कृष्णपिङ्गलाः ॥ १४ ॥
कृष्णाश्च पिङ्गलाश्च तथा ॥ १४ ॥
त्वरमाणश्च धर्मात्मा रक्तमाल्यानुलेपनः ।
रथेन खरयुक्तेन प्रयातो दक्षिणामुखः ॥ १५ ॥
[१]प्रहसन्तीव राजानं प्रमदा रक्तवासिनी ।
प्रकर्षन्ती मया दृष्टा राक्षसी विकृतानना ॥ १६ ॥
प्रहसन्ती इव इति पदम् ॥ १६ ॥
इमां रात्रिमिति । अस्यां रात्र्यामित्यर्थः। अहं मरिष्यामीति विपरिणामः कार्यः ॥ १७ ॥
नरो यानेन यः स्वप्ने खरयुक्तेन याति हि ।
अचिरात्तस्य धूमाग्रं चितायां संप्रदृश्यते ॥ १८ ॥
नरो यानेनेत्येतत् स्वप्नस्य प्रत्यक्षदर्शनात् । यथा- 'स्वप्ने पुरुषं कृष्णं कृष्णदन्तं पश्यति' इत्युपक्रम्य - 'खरैः वराहयुक्तैर्याति' इति श्रुतिसिद्धत्वात् एतद्बलेन प्रागुक्तपितृखरयानफलावश्यंभावं निश्चिनोति । धूमाग्रं धूमशिखा ॥ १८ ॥