ज्ञातयश्श्रोत्रिया पाषण्डा वा राज्ञामसन्निधौ परवास्तुषु वि-
वसन्तो न भोगेन हरेयुः । उपनिधिमाधिं निधिं निक्षेपं स्त्रियं
सीमानं राजश्रोत्रियद्रव्याणि च ।
आश्रमिणः पाषण्डा वा महत्यवकाशे परस्परमवाधमाना वसे-
युः; अल्पां बाधां संहरन्[१] पूर्वागतो वा वासपर्यायं दद्यात् ।
अप्रदाता निरस्येत ।
वानप्रस्थयातिब्रह्मचारिणामाचार्यशिष्यधर्मभ्रातृसमानती-
र्थ्या रिक्थभाजः । क्रमेण विवादपदेषु चैषां यावन्त पणाः
दण्डाः तावती रात्री क्षपणाभिषेकाग्निकार्यमहाकच्छवर्धनानि
राज्ञश्चरेयुः । अहिरण्यसुवर्णाः पाषण्डास्साधवस्ते यथास्थमुप
वासव्रतैराराधयेयुः अन्यत्र पारुष्यस्तेयसाहससङ्ग्रहणेभ्यः । तेषु
यथोक्ता दण्डाः कार्या।
प्रवज्यासु यथा[२]चारानाजा दण्डेन वारयेत् ।
धर्मो ह्यधर्मोपहतः शास्तारं हन्त्युपेक्षितः ।
इति धर्मस्थीये अस्वामिविक्रयः स्वस्वामिसम्बन्धः
षोडशोऽध्याय आदितत्रिसप्ततिः
७१ प्रक. साहसम्.
साहसमन्वयवत्प्रसभकर्म ।
निरन्वये स्थेयमपन्यथने[३] च ।