मालतीकुसुमामोदबन्धुरैषा वनस्थली । |
गद्यम्--
मुरारिरयं कृतघनपुष्पमालाविलासः कृतभूभ[१]रणो भूदारो हि[२]रण्यकशिपुक्षेत्रदाता अपहृतब[३]लिपरसंपत्तिः प[४]रशुभोल्लसितः परितोषितज[५]नकतनयो य[६]शोदयादृतवपुः श्रीघ[७]नजनस्तुतः क[८]विकालसद्भूषणकरो माधवो[९]ऽरुणेनाधरबिम्बेन, कलानिधिना मुखेन, सुमङ्गलेन मधुरवचसा, प्रहर्षणेन विभ्रमेण, गुरुणा स्तनभारेण, कविस्तुत्येन शीलेन, मन्देन गमनेन, विकचेन नयनोत्पलयुगलेन, तमोरुचिरेण कचनिचयेनोद्भासमानां रुक्मद्युतिरमणीयां रुक्मिणीमवलोकयामास ।
न्यसनं सह पाठानामक्रमेणापि सा मता । |
- ↑ भरणं पोषण धारण च; एतेन वराहावतारनिष्पत्ति.
- ↑ सुवर्णभोजनाच्छादनभूमीना दाता, हिरण्यकशिपुनामकदैत्यस्य विदारकः; एतेन नृसिंहावतारनिष्पत्तिः
- ↑ बलिना परेषाम्, बलिनामकस्य परा; एतेन वामनावतारनिष्पत्ति..
- ↑ परेण शुभेन उल्लसितः, परशुशस्त्रस्य भया कान्त्योल्लसित; एतेन परशुरामावतारवर्णनम्.
- ↑ जनकस्तनयश्च, जनकनाम्नस्तनया; एतेन रामावतारनिष्पत्तिः.
- ↑ यशसा दयया च, यशोदयया वा; एतेन कृष्णावतारवर्णनम्.
- ↑ श्रिया घनैः पूर्णैर्जनै , श्रीघन इति जनैः स्तुतः; एनेन बुद्धावतारवर्णनम्.
- ↑ कवीना काले समये दानार्थ सद्भूषणः करो यस्य, कविकैव लसद्भूषण यस्मिस्तादृक्करो यस्य; एतेन कल्क्यवतारवर्णनम्.
- ↑ अरुणादिपदानां सूर्यादिपरत्वेन सर्वेषामङ्गाना ग्रहमयत्व व्याख्येयम्.