एतत् पृष्ठम् परिष्कृतम् अस्ति
व्यक्तिविवेके द्वितीयो विगर्शः ।
सह समासे गुणतां नीतम् । कर्त्रादीनाम् कारकाणामनेकेषां समशीर्षिकया विशेषण- भावेन यदुपादान स दून्दून्य विषय इति तत्स्वरूपनिरूपणावसर एव तेषां प्राधा- न्यमप्राधान्यं चाभिधारयत इति न तदुदाहरणमिह प्रदर्शितम् । नापि विध्यनु- वादभावोदाहरण तस्य विशेषणविशेष्यभावतुल्यफलतया तत्समानवृत्तान्तत्वोप- पादनात् । प्रत्युदाहरणं यथा ---- ‘यस्यावमत्य गुरुदत्तमिदं कुठारं डिम्भोऽपि राम इति नाम पदस्य हर्त्ता' इति । कर्मणो यथा ---- "कृतककुपितैर्बाप्पाम्भोभिः सदैन्यविलोकितै- र्वनमसि गता यस्य प्रीत्या धृतापि तथाम्बया । नवजलधरश्यामाः पश्यन् दिशो भवतीम् विना कठिनहृदयो जीवत्येव प्रिये ! स तव प्रिय ॥" इति । अत्र वनमिति यद् गमनक्रियाया सीताविशेषणभूतायाः कर्मभावेन विशे- षण तत् तम्या रामप्रीतिप्रकर्षयुक्ताया अन्यकुलमाहिलादुर्लभ दुप्करकारित्व नामो- त्कर्वमर्पयति वनवासदु.खम्यातिकष्टत्वात् । स चोत्कर्षो रामस्य रतेरुद्दीपनतां प्रति- पद्यत इति प्रधान न गतेत्यनेन सह समासे तिरस्कृतम् । यथा च--‘गुर्वर्थमथीं श्रुतपारदृश्वा रधो सकाशादनवाप्य कामम्' इति । अत्र गुर्वर्थमित्यर्थिनोऽर्थन- क्रियामुखेन यद्विशेषण तत् तम्य श्र्लाद्यतातिशयाधानद्वारेण रघोरुत्साहपरिपोषे पर्यवस्यतीति प्राधान्येन विवक्षितत्वान्नार्थिना सह समासे सतामवगतता गामितम् । यथा च ‘संवर्धितानां सुतनिर्विशेषम्' इति । प्रत्युदाहरणं यथा-‘प्रदक्षिणक्रिया- तीतस्तस्या. कोपमजीजनः” इति ‘तमभ्यनन्दत् प्रथमप्रबोधितः प्रजेश्वरः शासन- हारिणा हरेः' इति यथाकामार्चितानामिति यथाकालप्रबोधनामिति च । कर- णस्य यथा - “आलोकमार्गे सहसा व्रजन्त्या कयाचिदुद्वेष्टनवान्तमाल्यः । बन्धुं न सम्भावित एव तावत् करेण रुद्धोऽपि च केशहस्तः ।।" इति । अत्र करेणेति यत् केशहस्तकर्मकस्य सम्भावितम्य रोधनस्य करणभावेन विशेषणं तत् तस्याः कस्याश्र्विद्रभसौत्सुक्यप्रहर्षप्रकर्षरूपमतिशय प्रतिपादयद्वधू- वरयो रूपसम्पदमसाधारणीमभिव्यनक्ति यदवलोकनव्यवधानापादिनीम् ताविती- मपि कालकलां विन्नायमानां मन्यमानयानया सतत स्वाधीनेनैकेन करकमलेन रोधो- ऽप्यस्य न कृतः । तेन तत् प्रधानामिति न रुद्ध इत्यनेन सह समासेऽस्तमुपनी- तम् । यथा ३ ----