इत्यप्रदाने दोषश्रवणात् । अतो दर्शपूर्णमासवन्नित्यं काम्यं च ।
अन्यस्य धर्मार्थं विवाहकरणे फलमुक्तं महाभारते--
|
'ज्ञात्वा स्ववित्तसामर्थ्यमेकमुद्वाहयेद्द्विजम् । |
अपरार्के दक्षोऽपि--
|
'मातापितृविहीनं तु संस्कारोद्वाहनादिभिः । |
कन्यागृहे भोजननिषेधो भविष्ये--
|
'अप्रजायां तु कन्यायां न भुञ्जीत कदाचन । |
न भुञ्जीतेत्यत्र कन्यागृह इति शेषः ।
अपरार्क आदित्य पुराणेऽपि--
|
'अप्रजायां तु कन्यां नाश्नीयात्कन्यकागृहे । |
ब्राह्मविवाहविधिना दातुं योग्यां कन्यां दत्त्वा कदापि तस्या गृहे नैवाश्नीयादित्यर्थः । अत्राप्यप्रजायामित्यनुषञ्जनीयम् ।
शाकलकारिकास्वपि--
|
'दुहित्रन्नं न भुञ्जीयाद्यावत्तस्या भवेत्सुतः । |
अथ दत्तापहारः ।
तत्र याज्ञवल्क्यः--
|
'दत्तामपि हरेत्पूर्वं श्रेयांश्चेद्वर आव्रजेत्' इति । |
पूर्ववरापेक्षया श्रेयान्गुणैर्वरिष्ठो वर आव्रजेदागच्छेच्चेत्पूर्ववराय दत्तां वाचा दत्तामपि कन्यां हरेत् । तस्मै न दद्यादित्यर्थः ।
