|
"स्त्रीणामनुपनीतानां शूद्राणां[१] च नरेश्वर । |
इति वचनादिति केचित् ।
विष्ण्वादिप्रतिष्ठायां शूद्रस्य विकल्प इत्यन्ये । पूजा च स्पर्शरहिता । शिवपञ्चाक्षरादयो मन्त्रा नमोन्ता ज्ञेयाः । एतन्मूलं शूद्रप्रकाशकमलाकरादौ द्रष्टव्यम् ।
अत्र यानि शूद्रपराणि वाक्यानि तानि स्त्रीपराण्यपि ज्ञेयानि ।
"स्त्री शूद्राश्च सधर्माणः" इतिवचनात् ।
इति संक्षेपेण स्त्रीधर्माः ।
अथ गर्भाधानकालः ।
तत्रेदं धर्मसूत्रम्--
|
"ऋतौ च संनिपातो दारेणानुव्रतम्" इति । |
रजोदर्शनदिनमारभ्य षोडशाहोरात्रपरिमित ऋतुः । तत्र संनिपातः संयोगो दारेण कर्तव्यः । छान्दसमेकवचनम् । बहुवचनान्तो हि दारशब्दः । शास्त्रतो नियमो व्रतं तदनुरोधेनेत्यर्थः ।
ऋतुदिनसंख्यामाह मनुः--
|
"ऋतुः स्वाभाविकः स्त्रीणां रात्रयः षोडश स्मृताः । |
अत्र रात्रिग्रहणाद्दिवसप्रतिषेधः ।
तथा च शङ्खलिखितौ--
|
"नाऽऽर्तवेऽपि दिवा व्रजेत्" इति । |
याज्ञवल्क्यः--
|
"षोडशर्तुर्निशाः स्त्रीणां तस्मिन्युग्मासु संविशेत् । |
स्त्रीणां षोडश निशा ऋतुर्गर्भग्रहणयोग्यः कालः । तत्र सर्वासु युग्मासु गमनमावश्यकं, युग्मास्विति बहुवचननिर्देशात् । यत्र श्राद्धादौ ब्रह्मचर्यं विहितं
- ↑ ग. णां चामरे ।
