"महाभारतम्-01-आदिपर्व-226" इत्यस्य संस्करणे भेदः
Content deleted Content added
(लघु) Bot: adding required templates |
आदिपर्व using AWB |
||
पङ्क्तिः १४:
प्रत्युद्गमनायागतैः कौरवैः सह पाण्डवानां भीष्मादिवन्दनपुरःसरं गृहप्रवेशः।। 4 ।।
<table>
<tr><td>
'''द्रुपद उवाच। </tr> <tr><td>
एवमेतन्महाप्राज्ञ यथात्थ विदुराद्य माम्।<BR>ममापि परमो हर्षः संबन्धेऽस्मिन्कृते प्रभो।। <td> 1-226-1a<BR>1-226-1b
</tr>
<tr><td>
गमनं चापि युक्तं स्याद्दृढमेषां महात्मनाम्।<BR>न तु तावन्मया युक्तमेतद्वक्तुं स्वयं गिरा।। <td> 1-226-2a<BR>1-226-2b
</tr>
<tr><td>
यदा तु मन्यते वीरः कुन्तीपुत्रो युधिष्ठिरः।<BR>भीमसेनार्जुनौ चैव यमौ च पुरुषर्षभौ।। <td> 1-226-3a<BR>1-226-3b
</tr>
<tr><td>
रामकृष्णौ च धर्मज्ञौ तदा गच्छन्तु पाण्डवाः।<BR>एतौ हि पुरुषव्याघ्रावेषां प्रियहिते रतौ।। <td> 1-226-4a<BR>1-226-4b
</tr>
<tr><td>
'''युधिष्ठिर उवाच।''' <td> 1-226-5x
</tr>
<tr><td>
परवन्तो वयं राजंस्त्वयि सर्वे सहानुगाः।<BR>यथा वक्ष्यसि नः प्रीत्या तत्करिष्यामहे वयम्।। <td> 1-226-5a<BR>1-226-5b
</tr>
<tr><td>
'''वैशंपायन उवाच।''' <td> 1-226-6x
</tr>
<tr><td>
ततोऽब्रवीद्वासुदेवो गमनं रोचते मम।<BR>यथा वा मन्यते राजा द्रुपदः सर्वधर्मवित्।। <td> 1-226-6a<BR>1-226-6b
</tr>
<tr><td>
'''द्रुपद उवाच।''' <td> 1-226-7x
</tr>
<tr><td>
यथैव मन्यते वीरो दाशार्हः पुरुषोत्तमः।<BR>प्राप्तकालं महाबाहुः सा बुद्धिर्निश्चिता मम।। <td> 1-226-7a<BR>1-226-7b
</tr>
<tr><td>
यथैव हि महाभागाः कौन्तेया मम सांप्रतम्।<BR>तथैव वासुदेवस्य पाण्डुपुत्रा न संशयः।। <td> 1-226-8a<BR>1-226-8b
</tr>
<tr><td>
न तद्ध्यायति कौन्तेयः पाण्डुपुत्रो युधिष्ठिरः। <BR>यथैषां पुरुषव्याघ्रः श्रेयो ध्यायति केशवः।। <td> 1-226-9a<BR>1-226-9b
</tr>
<tr><td>
'''वैशंपायन उवाच।''' <td> 1-226-10x
</tr>
<tr><td>
`पृथायास्तु ततो वेश्म प्रविवेश महामतिः।<BR>पादौ स्पृष्ट्वा पृथायास्तु शिरसा च महीं गतः।। <td> 1-226-10a<BR>1-226-10b
</tr>
<tr><td>
दृष्ट्वा तु देवरं कुन्ती शुशोच च मुहुर्मुहुः। <td> 1-226-11a
</tr>
<tr><td>
'''कुन्त्युवाच।''' <td> 1-226-11x
</tr>
<tr><td>
वैचित्रवीर्य ते पुत्राः कथंचिज्जीवितास्त्वया।। <td> 1-226-11b
</tr>
<tr><td>
त्वत्प्रसादाज्जतुगृहे मृताः प्रत्यागतास्तथा।<BR>कूर्मी चिन्तयते पुत्रान्यत्र वा तत्र संमता।। <td> 1-226-12a<BR>1-226-12b
</tr>
<tr><td>
चिन्तया वर्धिताः पुत्रा यथा कुशलिनस्तथा।<BR>तव पुत्रास्तु जीवन्ति त्वद्भक्त्या भरतर्षभ।। <td> 1-226-13a<BR>1-226-13b
</tr>
<tr><td>
यथा परभृतः पुत्रानरिष्टा वर्धयेत्सदा।<BR>तथैव पुत्रास्तु मम त्वया तात सुरक्षिताः।। <td> 1-226-14a<BR>1-226-14b
</tr>
<tr><td>
क्लेशास्तु बहवः प्राप्तास्तथा प्राणान्तिका मया।<BR>अतः परं न जानामि कर्तव्यं ज्ञातुमर्हसि।। <td> 1-226-15a<BR>1-226-15b
</tr>
<tr><td>
'''विदुर उवाच।''' <td> 1-226-16x
</tr>
<tr><td>
न विनश्यन्ति लोकेषु तव पुत्रा महाबलाः।<BR>अचिरेणैव कालेन स्वराज्यस्था भवन्ति ते।। <td> 1-226-16a<BR>1-226-16b
</tr>
<tr><td>
बान्धवैः सहिताः सर्वे न शोकं कुरु माधवि। <td> 1-226-17a
</tr>
<tr><td>
'''वैशंपायन उवाच।'''' <td> 1-226-17x
</tr>
<tr><td>
ततस्ते समनुज्ञाता द्रुपदेन महात्मना।। <td> 1-226-17b
</tr>
<tr><td>
पाण्डवाश्चैव कृष्णश्च विदुरश्च महामतिः।<BR>आदाय द्रौपदीं कृष्णां कुन्तीं चैव यशस्विनीम्।। <td> 1-226-18a<BR>1-226-18b
</tr>
<tr><td>
सविहारं सुखं जग्मुर्नगरं नागसाह्वयम्।<BR>`सुवर्णकक्ष्याग्रैवेयान्सुवर्णाङ्कुशभूषितान्।। <td> 1-226-19a<BR>1-226-19b
</tr>
<tr><td>
जाम्बूनदपरिष्कारान्प्रभिन्नकरटामुखान्।<BR>अधिष्ठितान्महामात्रैः सर्वशस्त्रसमन्वितान्।। <td> 1-226-20a<BR>1-226-20b
</tr>
<tr><td>
सहस्रं प्रददौ राजा गजानां वरवर्मिणाम्।<BR>रथानां च सहस्रं वै सुवर्णमणिचित्रितम्।। <td> 1-226-21a<BR>1-226-21b
</tr>
<tr><td>
चतुर्युजां भानुमच्च पञ्चानां प्रददौ तदा।<BR>सुवर्णपरिबर्हाणां वरचामरमालिनाम्।। <td> 1-226-22a<BR>1-226-22b
</tr>
<tr><td>
जात्यश्वानां च पञ्चाशत्सहस्रं प्रददौ नृपः।<BR>दासीनामयुतं राजा प्रददौ वरभूषणम्।<BR>ततः सहस्रं दासानां प्रददौ वरधन्वनाम्।। <td> 1-226-23a<BR>1-226-23b<BR>1-226-23c
</tr>
<tr><td>
हैमानि शय्यासनबाजनानि<BR>द्रव्याणि चान्यानि च गोधनानि।<BR>पृथक्पृथक्वैव ददौ स कोटिं<BR>पाञ्चालराजः परमप्रहृष्टः।। <td> 1-226-24a<BR>1-226-24b<BR>1-226-24c<BR>1-226-24d
</tr>
<tr><td>
शिबिकानां शतं पूर्णं वाहान्पञ्चशतं नरान्।। <td> 1-226-25a
</tr>
<tr><td>
एवमेतानि पाञ्चालो जन्यार्थे प्रददौ धनम्।<BR>हरणं चापि पाञ्चाल्या ज्ञातिदेयं च सोमकः।। <td> 1-226-26a<BR>1-226-26b
</tr>
<tr><td>
धृष्टद्युम्नो ययौ तत्र भगिनीं गृह्य भारत।<BR>नानद्यमानो बहुशस्तूर्यघोषैः सहस्रशः।।' <td> 1-226-27a<BR>1-226-27b
</tr>
<tr><td>
श्रुत्वा चोपस्थितान्वीरान्धृतराष्ट्रोऽम्बिकासुतः।<BR>प्रतिग्रहाय पाण्डूनां प्रेषयामास कौरवान्।। <td> 1-226-28a<BR>1-226-28b
</tr>
<tr><td>
विकर्णं च महेष्वासं चित्रसेनं च भारत।<BR>द्रोणं च परमेष्वासं गौतमं कृपमेव च।। <td> 1-226-29a<BR>1-226-29b
</tr>
<tr><td>
तैस्तैः परिवृताः शूरैः शोभमाना महारथाः।<BR>नगरं हास्तिनपुरं शनैः प्रविविशुस्तदा।। <td> 1-226-30a<BR>1-226-30b
</tr>
<tr><td>
`पाण्डवानागताञ्छ्रुत्वा नागरास्तु कुतूहलात्।<BR>मण्डयाञ्चक्रिरे तत्र नगरं नागसाह्वयम्।। <td> 1-226-31a<BR>1-226-31b
</tr>
<tr><td>
मुक्तपुष्पावकीर्णं तु जलसिक्तं तु सर्वतः।<BR>धूपितं दिव्यधूपेन मङ्गलैश्चाभिसंवृतम्।। <td> 1-226-32a<BR>1-226-32b
</tr>
<tr><td>
पताकोच्छ्रितमाल्यं च पुरमप्रतिमं बभौ।<BR>शङ्खभेरीनिनादैश्च नानावादित्रनिस्वनैः।।' <td> 1-226-33a<BR>1-226-33b
</tr>
<tr><td>
कौतूहलेन नगरं पूर्यमाणमिवाभवत्।<BR>यत्र ते पुरुषव्याघ्राः शोकदुःखसमन्विताः।। <td> 1-226-34a<BR>1-226-34b
</tr>
<tr><td>
`निर्गताश्च पुरात्पूर्वं धृतराष्ट्रप्रबाधिताः।<BR>पुनर्निवृत्ता दिष्ट्या वै सह मात्रा परन्तपाः।। <td> 1-226-35a<BR>1-226-35b
</tr>
<tr><td>
इत्येवमीरिता वाचो जनैः प्रियचिकीर्षुभिः।'<BR>तत उच्चावचा वाचः प्रियाः सर्वत्र भारत।। <td> 1-226-36a<BR>1-226-36b
</tr>
<tr><td>
उदीरितास्तदाऽशृण्वन्पाण्डवा हृदयंगमाः। <td> 1-226-37a
</tr>
<tr><td>
'''पौरा ऊचुः''' <td> 1-226-37x
</tr>
<tr><td>
अयं स पुरुषव्याघ्रः पुनरायाति धर्मवित्।। <td> 1-226-37b
</tr>
<tr><td>
यो नः स्वानिव दायादान्धर्मेण परिरक्षति।<BR>अद्य पाण्डुर्महाराजो वनादिव मनःप्रियम्।। <td> 1-226-38a<BR>1-226-38b
</tr>
<tr><td>
आगतश्चैवमस्माकं चिकीर्षन्नात्र संशयः।<BR>किं न्वद्य सुकृतं कर्म सर्वेषां नः प्रियं परम्।। <td> 1-226-39a<BR>1-226-39b
</tr>
<tr><td>
यन्नः कुन्तीसुता वीरा भर्तारः पुनरागताः।<BR>यदि दत्तं यदि हुतं यदि वाप्यस्ति नस्तपः।<BR>तेन तिष्ठन्तु नगरे पाण्डवाः शरदां शतम्।। <td> 1-226-40a<BR>1-226-40b<BR>1-226-40c
</tr>
<tr><td>
ततस्ते धृतराष्ट्रस्य भीष्मस्य च महात्मनः।<BR>अन्येषां च तदर्हाणां चक्रुः पादाभिवन्दनम्।। <td> 1-226-41a<BR>1-226-41b
</tr>
<tr><td>
पृष्टास्तु कुशलप्रश्नं सर्वेण नगरेण ते।<BR>समाविशन्त वेश्मानि धृतराष्ट्रस्य शासनात्।। <td> 1-226-42a<BR>1-226-42b
</tr>
<tr><td>
।। इति श्रीमन्महाभारते आदिपर्वणि <br>विदुरागमनराज्यलाभपर्वणि <br>षड्विंशत्यधिकद्विशततमोऽध्यायः।। 226 ।। <td>
</tr></table>
{{footer
| previous = [[महाभारतम्-01-आदिपर्व-225|आदिपर्व-225]]
| next = [[महाभारतम्-01-आदिपर्व-227|आदिपर्व-227]]
}}
[[वर्गः:आदिपर्व]]
|