पुटमेतत् सुपुष्टितम्
८५
राहोरद्भुतावर्त्तः ।
नादिका सामान्यशान्तिरौत्पातिकफलगुरुलाघवमवगम्य कर्त्तव्या-इति ।
अथ विहितविशेषशान्तयो राहूत्पाताः । तत्रा पर्वग्रहणे वृद्धगर्गः ।
अपर्वणि भयं यस्माद्ग्रहणं शशिसूर्ययोः ।
पराशरस्तु ।
अपर्वण्युपरक्तः प्रजानाशाय ।
मयूरचित्रे ।
अपर्वग्रहणे दस्युशस्त्रकोपा भवन्ति च ।
वधो मुख्यस्य भूपस्य तथा राष्ट्रस्य जायते ॥
आरण्यककांण्डे खरादिवधनिमित्तम् ।
“सकबन्धः सपरिघः स्वर्भानुश्च दिवाकरः ।
जग्राह कालपर्यन्तमपर्वणि महाग्रहः"[१] ॥
त्रयोदशीग्रहणे तु विशेषः । तथा च मुशलपर्वणि यदुकुलोत्सादननिमित्तम् ।
“चतुर्दशीपञ्चदशीकृतेयं राहुणा पुनः ।
प्राप्ते वै भारते युद्धे दृष्टा चाद्यक्षयाय नः"[२]॥
भीष्मपर्वणि कुरुपाण्डवसैन्यवधनिमित्तम् ।
वृद्धगर्गस्तु ।
दृश्येते च त्रयोदश्यां चन्द्रार्कौ ग्रहणं गतौ ।
छत्राण्यनैकानि तदा मृज्यन्ते भूमिपक्षये ॥
