अर्घकृदधिकमूल्यकृदित्यर्थः ।
भित्त्वा मघा विशाखां भिन्दन् भौमः करोति दुर्भिक्षम् ।
मरकं करोति घोरं यदि भित्वा रोहिणो याति ॥
वृद्धगर्गः ।
वक्त्रकाले तु संप्राप्ते स्थूलो भवति लोहितः ।
हर्षितश्चातिरक्तश्च ज्वलिताग्निशिखोपमः ॥
विष्णुधर्मोत्तरे ।
गतागतं तदा कुर्यान्मघामध्येन लोहितः ।
तदा भवत्यनावृष्टिः पाण्ड्यो राजा विनश्यति ॥
वराहसंहितायाम् ।
मध्येन यदि मघानां गतागतं लोहितः करोति ततः ।
पाण्ड्यो नृपो विनश्यति शस्त्रोद्योगाद्भयमनावृष्टिः ॥
भीष्मपर्वणि कुरुपाण्डवक्षयनिमित्तम् ।
“वक्त्रानुवक्रं कृत्वा च श्रवणं यावकप्रभः ।
ब्रह्मराशिं समावृत्य लोहिताङ्गो व्यवस्थितः”[१] ॥
वृद्धगर्गः ।
यद्वारे कुरुते वक्रमनुवकं च लोहितः ।
नक्षत्रसप्तजान् देशाँस्तद्वारं च निहन्ति सः ॥
नाधोभात् सप्तजान् द्रुह्यान्न चाष्टादशतोऽधिकान् ।
उदयर्क्षान्महीजस्य भवेद्वेक्रं कथंचन ॥
अथास्य पञ्च वक्त्राणि वराहसंहितायाम् ।
उष्णमश्रुमुखं व्यालं लोहिताननमेव च ।
निस्त्रिंशमुशलं चेति पञ्च वक्तकुजस्य तु ॥
तत्रोष्णमुखम् । तत्र गर्ग: [२]।
उदयात् सप्तमे कुर्यादष्टमे नवमेऽपि वा ।
