दृश्यन्ते कार्मुका नाम सप्तान्ये ते समाश्रिताः ॥
अथाधर्मसम्भवाः ।
अधर्मसम्भवास्त्वन्ये चतुर्दश समाश्रिताः ।
अधःशिखाः प्रकाशन्ते विवर्णा घोरतारकाः ॥
अथ राहुपुत्राः ।
कर्णच्छिद्रप्रतीकाशाः कृष्णास्ते तारकाकृतौ ।
कीलका राहुपुत्राश्व चन्द्रसूर्यतलाश्रयाः ॥
वज्रः कबन्धस्त्रिशिखः शङ्खो भेरी खगो धनुः ।
दण्डः श्वा राहुपुत्रास्ते तव ते तुल्यवर्चसः ॥
सदा सोमार्कयोर्ह्येते मण्डलाभ्याससेविनः ।
राजान्यत्वाय दृश्यन्ते प्रजानां संक्षयाय च ॥
तत्र मन्दफला जेयाः शशाङ्कतलसेविनः ।
दिवाकरतलाभ्याससंविनो भृशदारुणाः ॥
अथ दिक्पुत्राः ।
पन्नगाख्याश्चतर्विशद्वात्रिंशत् कृष्णका ग्रहाः ।
विंशतिः सप्त च श्वेता अरुणा विंशतिर्ग्रहाः ॥
दक्षिणाद्यासु वीक्ष्यन्ते नीचैर्विभ्रान्तमण्डलाः ।
केवलं तारकाकारा दृश्यन्ते निष्प्रभा ग्रहाः ॥
पीतरक्ता ग्रहाः पञ्च पूर्वदक्षिणतः स्मृताः ।
दक्षिणापरतश्चापि पीतरक्तौ ग्रहौ स्मृतौ ॥
उत्तरापरतस्त्वेकः पीतरक्तौ ग्रहः स्मृतः ।
ऐशान्यां श्वेतरक्ताभ एकस्तिष्ठति सूर्यभः ॥
यः सान्ध्यवेलास्वर्काभो दिक्षु सर्वासु दृश्यते ।
नातिदूरं च वै स्निग्धः स वर्षाभयदायकः ॥
