तथा च वराहसंहितायाम् ।
भौमेन हते शशिजे वृक्षसरित्तापसाश्मकनरेन्द्राः ।
उत्तरदिकस्थाः ऋतुदीक्षिताश्च सन्तापमुपयान्ति ॥
वृद्धगर्गः ।
गुरुणा निहते सौम्ये जयमृच्छन्ति यायिनः ।
गर्भाः स्रवन्ति चाह्राय कम्पते च वसुन्धरा ॥
म्लेच्छान् श्रेष्टाँश्च बहुधा शूद्राँश्चैवानयः स्पृशेत् ।
वराहसंहितायां तु ।
गुरुणा बुध जिते म्लेच्छशूद्रचौरार्थयुक्तपौरजनाः।
त्रैगर्त्तपार्वतीयाः पीड्यन्ते कम्पते च मही ॥
भृगुणा जितेऽग्निकोषः शस्याम्बुदयायिविध्वंसः ।
वृद्धगर्गस्तु ।
बुधे च शुक्राभिहते शस्त्रमग्निश्च मूर्छति ।
यायिनश्चात्र पोड्यन्तं शस्यं वृष्टिश्च हन्यते ॥
वराहसंहितायाम् ।
रविजेन बुधे ध्वस्ते नाविकयोधाब्जसधनगर्भिण्यः ।
पीड्यन्ते इति सम्बन्धः ।
वृद्धगर्गस्तु ।
नौजीविनो वरा योधा गर्भिण्योऽथ महाधनाः ।
पीड्यन्ते सौरनिहते वुधे मन्दं च वर्षति ॥
वराहसंहितायाम् ।
भौमेन जिते जीवे मध्यो देशो नरेश्वरा गावः ।
नश्यन्तीति सम्बन्धः ।
वृद्धगर्गस्तु ।
मध्यदेशनृपा मुख्या गावोऽथाश्रमिणो द्विजाः ।
नागराश्चापि पीड्यन्ते लोहिताङ्गहते गुरौ ॥
