बृहद्यात्रायां वराहः ।
सप्ताहान्तर्बलभयकरो वृष्टिरन्यर्त्तुजाता
के चिद्यात्रामसितजलदै: प्रोज्झितां पूजयन्ति ।
चित्रोद्यायां बलपतिवधो रुक्षपीडाम्बुदायां
क्षुज्ज्येष्ठायां भवति नचिराद्व्यम्बुदायां च नाशः ॥
वाहनानि सव्यगा हन्ति योषितोऽन्यथा ।
पञ्जराकृतिस्थिता सर्वतो बलेश्वरम् ॥
अथ करकावृष्टिर्मयूरचित्रे ।
शालिखर्जूरसिकताभाः करका वदरोपमाः ।
शीतजातीफलाकाराः पतन्त्यः क्षेमकारणाः ॥
इन्द्रध्वजरथाकारैश्चक्रस्वस्तिकसन्निभैः ।
शङ्कपद्मनिभै राज्ञः करकैर्जयमादिशेत् ॥
मत्स्यकच्छपमण्डूकशूक्तिशम्बूकसन्निभाः ।
वदन्त्युपलकास्तापं दीयमानं धनैर्ध्वनम् ॥
विल्वोदुम्बरतालाभाः कपित्थाम्रशिरःसमाः ।
गदामुशलसंकाशाः करका घ्नन्ति भूनृपौ ॥
अत्र साधारणी शान्तिः कर्त्तव्या गर्गचोदिता ।
अथ शोणितादिवृष्टिः । तत्र पराशरः ।
शोणिताभिवर्षणं परचक्रागमाय ।
आरण्यकाण्डे पञ्चवट्यां खरदूषणाद्यागमननिमित्तकथने रामवाक्यम् ।
“इमे रुधिरधाराभिर्वर्षन्तोऽतिखर खनाः ।
व्योम्नि मेघा विवर्त्तन्ते परुषा गर्दभारुणाः[१] ॥
बार्हस्पत्ये तु ।
शोणितं वर्षते यत्र तत्र देशे भयं भवेत् ।
- ↑ वाल्मीकीयेऽन्यथा पाठः । तदर्थं द्रष्टव्य उक्तकाण्डस्य २३ सर्गः ।
