पुरे श्रेष्ठ । विनश्यन्ति गणेषु गणसम्मिताः ।
गृहाणि रमणीयानि विशीर्यन्ते च सर्वशः ॥
आयासश्चोल्वणस्तत्र शस्त्रत्रासं समन्ततः ।
एतै रूपैश्च विज्ञेयं वायव्ये चलदर्शनम् ॥
गर्गकाश्यपमत्स्यपुराणविष्णुधर्मोत्तरमयूरचित्राथर्वणाद्भुतेषु धनिष्ठानक्षत्रस्थाने मृगशीर्षमभिजिन्नक्षत्रस्थाने पुनर्वसुनक्षत्रं चोक्तम् ।
तथा च मत्स्यपुराणविष्णुधर्मोत्तरयोः ।
प्रथमे दिनयामे च रात्रौ च मनुजोत्तम ।
हस्ते खातौ च चित्रायामादितरे चाश्विने तथा ॥
आर्यम्णे सोमदैवत्ये वायवी शान्तिरद्भुते ।
गर्गस्तु ।
सौम्यादित्यार्यम्णहस्तचित्रखात्यश्विनीषु वा ।
कम्पो वायुकृतश्चण्डो वायुनाऽपि विधूननः ॥
रुक्षारुणत्वं च दिशां रूक्षचण्डानिलस्तथा ।
शस्यमल्पतरं विन्द्याद्वृष्टिर्वध्येत वायुना ॥
सप्तमेऽहनि कम्पश्च महान् स्याद्वायुसम्भवः ।
काश्यपः ।
उत्तराफाल्गुनीहस्तं चित्राखातिपुनर्वसु ।
अश्विनी सोमदैवत्यं वायव्यं मण्डलं स्मृतम् ॥
अत्र वाता महाघोराः सशर्कररजोत्कराः ।
गर्भस्थाश्च निपात्यन्ते रोगक्षुद्भयपीडिताः ॥
कलिङ्गाः शवरा म्लेच्छास्तङ्गणाः क्षितिवासिनः ।
शान्तिं सामीरणीं कुर्यादुत्पातो यदि दृश्यते ॥
आथर्वणाद्भुतावते ।
हस्तचित्राश्विनीस्वातिमृगशीर्षपुनर्वसु ।
