दह्यन्ते काननानि प्रवरपुरगृहस्तीव्रतेजाः पतङ्गो
रोगैः पित्तज्वराद्यैः सततमनुगतैः पीड्यते जीवलोकः ॥
इत्याग्नेयमण्डलम् ।
प्राकाराट्टालचैत्याः पृथुगृहतरवो गोपुरा भूधराश्र
मूलाद्वै शीर्यमाणाः पवनरयवशाद्यान्ति भूतागमाँश्च ।
नारीगोगर्भघातस्तदनु च नियतं स्वल्पशस्या धरित्री
दुर्भिक्षं चातिकष्टं प्रभवति च महाव्याधिपीडा जनानाम् ॥
इति वायव्यमण्डलम् ।
गर्जन्तं वारिवाहा जलधरनमिताः पूर्यमाणाः क्षणेन
क्रीडन्ते मीनहंसा पयसि जनपदा हर्षिणः कामभाजः ।
वृक्षाः पुष्पैः समेताः फलभरनमिताः पुत्रवत्यश्च गावः
शस्यैः पूर्णा धरित्री सुखभरनमिता जन्तवः सर्वदैव ॥
इति वारुणमण्डलफलम् ।
लोको नित्यप्रमोदी विनययुतमना नष्टरोगावकाशो
दाने भोगे च शक्तः सकलभयकृतैर्दुःखसङ्घैर्विमुक्तः ।
कीर्त्तिं विस्तीर्य रम्यां त्रिभुवनफलके वर्धयेद्धर्मवृद्धिं
कोषैः पूर्णो नरेन्द्रो जनपदसहितो वर्धते श्रीसमेतः ॥
इति माहेन्द्रमण्डलफलम् ।
अथ मण्डलद्वयशान्तिर्प्रत्स्यपुराणविष्णुधर्मोत्तरयोः ।
भिन्नमण्डलवेलासु ये भवन्त्यद्भुताः क्व चित् ।
तेषु शान्यिद्वयं कार्यं निमित्ते सति नान्यथा ॥
निमित्तायं कृता शान्तिर्निर्निमित्ताय जायते ।
निमित्तायेति । अशुभसूचकनिमित्तायेत्यर्थः । एतैर्मण्डलैरन्येऽप्युत्पाताश्चिन्तनीयाः ।
वराहसंहितायाम् ।
अन्यानव्युत्पातान् जगुरन्ये मण्डलैरेतैः इति ।
