मोक्षधर्मे तु ।
अतिद्युतिरतिप्रज्ञा अप्रज्ञा वा द्युतिस्तथा ।
प्रकृतेर्विक्रियायत्नः षण्मासान्मृत्युलक्षणम् ॥
चरकः ।
शयनादशनादङ्गात् काष्ठात् कुड्यात् कटादपि ।
असन्मृगपतेः किञ्चित् समुद्यकालचोदिताः ॥
प्राणाः समुपतप्यन्ते विज्ञानमुपरुध्यते ।
इन्द्रियाणि विनश्यन्ति खिलीभवति चेतना ॥
औत्सुक्यं भजते सत्त्वं चेतो भीराविशत्यपि ।
स्मृतिं विशति मेधावी ह्रीश्रियौ वाऽपसर्पतः ॥
उपप्लवन्ते पाप्मान ओजस्तेजश्च नश्यति ।
इत्येतानि मनुष्याणां भवन्ति विनशिष्यताम् ॥
विज्ञानमिति शिल्पशास्त्रं शिथलीभवति निष्फलं भवति । सत्त्वमिति मनः । उपप्लवन्ते पाप्मान इति पापानि वर्धन्ते । ओज इति बलम् । तेज इति शारीरोऽग्निः ।
तथा ।
यैः पुरा विन्दते भावैः समेतैः परमां रतिम् ।
तैरेव रममाणस्य राज्ञो मरणमादिशेत् ॥
ज्योतिःपराशरविष्णुधर्मोत्तरयोः ।
इष्टैरनिष्टसंयोगोऽनिष्टैरिष्टसमागमः ।
भयधैर्यविपर्यासो जायते प्राणसंक्षये ॥
कालावल्याम् ।
अतिक्रुद्धोऽतिभीतश्च वर्षमेकं स जीवति ।
आदित्यपुराणे तु ।
स्थूलः कृशः क्रोधवशश्च भीतो यदा त्वकस्माद्भवते महात्मा ।
तदा तनं प्रजहात्यब्दमात्रादभङ्गरां मनुजः स्वाक्षयर्थाम् ॥
