पुटमेतत् सुपुष्टितम्
१४
अद्भुतसागरे ।
उक्तादधिकसमयेऽयननिवृत्तौै विकृतत्वेऽपि शुभमेव फलम् ।
तथा च वृद्धगार्ग्यः ।
अनिवृत्ते समे वाऽपि निवृत्तः शस्यते रविः ।
वराहेण तूत्तरायणमात्र एवैतदुक्तम् ।
तद्यथा ।
पराशरश्च ।
वैश्वादुत्तरेऽप्ययनविभागो बोद्धव्यः ।
तथा च स्वकालिकमृतुक्रममाह पराशरः ।
तस्य श्रविष्ठाद्यात् पौष्णान्तं चरतः शिशिरः । वसन्तः पौष्णार्धाद्रोहिण्यन्तम् । सौम्यात् सार्पर्धं ग्रीष्मः । प्रावृद् सार्पाद्याद्धस्तान्तम् । चित्राद्यादिन्द्रार्धं शरत् । हेमन्तो ज्येष्ठार्धाद्वैष्णवान्तमिति ।
तस्येति सवितुरिति सम्बन्ध: । वराहकालिकऋतुक्रमस्तु पञ्चसिद्धान्तिकायाम् ।
उदगयनमकरादावृतवः शिशिरादयश्च सूर्यवशात् ।
द्विभवनकालसमाना दक्षिणमयनं च कर्कटकात् ॥
ब्रह्मसिद्धान्ते च ।
