शालिहोत्रस्तु ।
निशायां यत्र दृश्येते नेत्रे दीपशिखाप्रभे ।
विजयो नियतस्तस्य बलं कोशश्च वर्धते ॥
यदा च ह्रेषमाणानामुल्का चन्द्रप्रभा द्रवा ।
उल्का बाणाद्विनिष्पेतुः सुखं सर्वत्र इष्यते ॥
स तेषां हसितो नाम पार्थिवे जयलक्षणम् ।
येषां मुखादग्निनिभा उल्का वायुसमीरिता ॥
निष्क्रामन्ति ह्रेष्यमाणे तत्रापि विजयो भवेत् ।
धावतश्चक्रवद्यत्र सेनोत्साहश्च वर्धते ॥
प्रयाति यत्र विज्ञेयं तत्र सर्वत्र सम्पदः ।
पराशरः ।
पृष्ठपुच्छगुदज्वलनं गात्रस्य धूपनं पश्चाज्ज्वलनं सेनापराजयाय ।
बृहद्यात्रायां वराहः ।
उत्सर्गान्न शुभदमासनात् परस्थं वामे ज्वलनमतोऽपरं प्रशस्तम् ।
सर्वाङ्गज्वलनमवृद्धिदं हयानां द्वे वर्षे दहनकणाश्च धूपनं वा ॥
धूपनं ज्वलनं नेष्टं तथा धूमसमुद्भवः ।
विस्फुलिङ्गोद्भवं चैव सकृत् पार्श्वानने तथा ॥
शालिहोत्रस्तु ।
पश्चिमार्धे ज्वलमाने भर्त्तुर्विद्यात् पराजयम् ।
दीप्यनाने तु पूर्वार्धे हयस्यैव पराभवम् ॥
गर्गस्तु ।
पश्चार्धभागज्वलने हयानां क्षिप्रं भयं शत्रुभवं नृपस्य ।
पूर्वार्धभागे ज्वलिते हयस्य राष्ट्रं विनश्यत्यचिरादशेषम् ॥
शालिहोत्रस्तु ।
यदा तु सर्वकार्येषु ज्वलत्यङ्कारविस्तरैः ।
