गर्गः ।
पाण्डुवर्णैः शशी मध्ये सुभिक्षक्षेमकारकः ।
गार्गीयेऽपि ।
सुवर्णाभो वस्त्रवृद्धिः ।
हरिवंशे हिरण्यकशिपुवधनिमित्तम् ।
"विवर्णत्वं च भगवान् गतो निशि निशाकरः” [१] ।
पराशरः ।
भस्मारुणवह्निताम्रपीतपाण्डुनीलरूक्षवर्णैः क्षुद्वैरकरः ।
वृद्धगर्गसंहितागार्गीयभार्गवीयेषु ।
मञ्जिष्ठारुणवर्णो वा ज्वरं तीव्रं निवेदयेत ।
वृद्धगर्गसंहियां गार्गीये च ।
लोहिते कुप्यते शस्त्रं दुर्भिक्षं चोपजायते ।
कपिले कृप्यति त्वग्निरक्षिरोगश्च जायते ॥
कृष्णवर्णो गवां हर्त्ता दुर्भिक्षस्य च कारकः ।
नानाविधैर्व्याधिभिश्च तदा संपीडयते प्रजा ॥
हरितः सर्वशस्यानामुपद्रवकरः स्मृतः ।
वृद्धगर्ग: ।
हरितोऽपीतये विद्यात् पशूनां चाप्युपद्रम्
तत्रैव ।
कृष्णे शरोरे सोमस्य शूद्राणां वधमादिशेत् ।
पीते शरीरे सोमस्य वैश्यानां वधमादिशेत् ||
रक्त शरीरे सोमस्य राज्ञां च वधमादिशेत् ।
राज्ञां क्षत्रियाणाम् ।
- ↑ ४६ अ. ९ श्लो. । तत्र 'गतो दिवि दिवाकरः' इत्युपलभ्यते ।
