पराशरः ।
खद्योतैः परिविध्यते दिनकरः सन्ध्यागतो मण्डलै
रक्तैः कृष्णमहेन्द्रचापसदृशैः खे पूरयद्भिर्यदा ।
गावो यत्र सपूयशोणितमुरोदिग्धा भवेयुः क्व चित्
विद्यात् तत्र विमर्षणं परवलैर्भेदं स्वराष्ट्रस्य वा ॥
बृहद्यात्रायां वराहः ।
मृगपतिरासभवाजिगजानां पिबति मिथो न चिराद्भयदाता ।
विबुधपतिध्वजतोरणखातैः फलमिदमेव करोति नृपाणाम् ॥
औशनसे ।
वृष्टिविद्युत्स्वने व्यभ्रे चरस्थिरविवर्जिते ।
दिवोल्कायां न पीड्यन्ते जना नृपतिभिः सह ॥
सन्ध्याद्वयेऽभिदीप्तिर्धूमोत्पत्तिश्च काननेऽनग्नौ ।
छिद्राभावे भूमेर्दरणं कम्पश्च शान्तकरिगर्जः ॥
अनैशानि तमांसि स्युराशाधूमाः सपांशवः ।
आनग्नेयो यत्र धूमस्तत्र विद्यान्महद्भयम् ॥
बार्हस्पत्ये ।
आनर्त्तवं पुष्पकलमकाले दुर्दिनं महत् ।
सधूमाश्च दिशो यत्र विद्याद्भयमुपस्थितम् ॥
स्कन्दपुराणे दैत्यपराजयनिमित्तम् ।
ररास परुषं व्योम चचाल च वसुन्धरा ।
भागवते जगदुद्वेजरुहिरण्यकशिपुत्पत्तौ ।
“गावोऽत्रसन्नस्सृग्दोहास्तोयदाः पूयवर्षिणः ।
व्यरुदन् दैवलिङ्गानि द्रुमाः पेतुर्विनाऽनिलम्”[१] ॥
वनपर्वणि भीमपराजयनिमित्तम् ।
"सलोहिता दिशश्चासन् खरवाचो मृगद्विजाः"[२] ।
