एतत् पृष्ठम् परिष्कृतम् अस्ति
________________
ईशानशिवगुरुदेवपद्धतौ [सामान्यपादः
व्योमाम्बुजादयो बिन्दोर्हृदयाद्वार्कमण्डलात् । यत् तत्त्वमानयीतास्मिन् तदावाहनसंज्ञितम् ॥ १२ ॥ स्वत एवाभिपूर्णस्य तत्त्वस्यहार्चनादिषु । सादरं संमुखीभावस्तदावाहनमिष्यते ॥ १३ ॥ पुष्पैरञ्जलिमापूर्य हृदयादिस्थितं विभुम् ।। सौषुन्नमार्गेणादाय बिन्दोरभ्युदितं स्मरन् ॥ १५ ॥ तावदुचारयेन्मन्त्रं यावन्निष्कलगोचरम् । तस्मादादाय विस्रब्धः स्थिरधीः पुरतः स्थिते ॥ १५ ॥
बिम्बे वा स्थण्डिले वापि न्यसेदावाहनं तु तत् ।
आवाहनाङ्गभूतानि स्थापनं सन्निधापनम् ॥ १६ ॥ संन्निरोधामृतीकाराववकुण्ठनमेव च । साकारस्येष्टदेवस्य पूजार्थं कल्पितासने ॥ १७ ॥ उपवेशनमुद्दिष्टं स्थापनं नाम भक्तितः । आकर्मकाण्डपर्यन्तं सान्निध्यं दैवतस्य तु ॥ १८ ॥ अविच्छेदेन पूजायां सन्निरोधः स कथ्यते ।
अविभिन्नस्वभावानां यदभिन्नं प्रयोजनम् ॥ १९ ॥ अङ्गानामङ्गिना सार्धममृतीकरणं हि तत् ।
आनन्दायतनं तत्त्वं सच्चिदानन्दविग्रहम् ॥ २० ॥
तदेतन्मूर्तगं ध्येयं यत् तत् स्यादवकुण्ठनम् ।
अवकुण्ठनवत् तेजो रुचिराङ्गप्रवर्धनम् ॥ २१ ॥
लावण्यामृतपूराढ्यं यत्तदुक्तं प्ररोचनम् ।
पूजां प्रयुज्यमानां तु गृहीत्वानुग्रहादिकम् ॥ २२ ॥ कर्तुं सामर्थ्यमस्यास्ति यत् तत् स्यात् संनिधापनम् ।
आसनावाहनाधिकारः । १. 'प्य' ख. पाठः.
