एतत् पृष्ठम् परिष्कृतम् अस्ति
________________
१०५ ईशानशिवगुरुदेवपद्धतौ [सामान्यपादः ततः स्विष्टकृतं कुर्यादाधेनुवरदानतः । अथाग्नेः पुरतो दर्भानास्तीर्य हुतशेषितम् ॥ ५२ ॥ नमो रुद्राय वास्तोप्पत इत्यादिना निक्षिपेत् ।
अनेनैव तु मन्त्रेण स्थाली सङ्क्षाल्य तज्जलम् ॥ ५३ ॥
. पात्रे प्रक्षिप्य कस्मिंश्चिच्छेषाज्यं शेषमम्बु च । एकीकृत्य तु मन्त्रेण शाखयोदुम्बरस्य वा ॥ ५४ ॥
पालाशशाखया वाथ दर्भमुष्ट्याथवा पुनः । प्रासादभवनादौ तत् सर्वत्र त्रिः प्रदक्षिणम् ॥ ५५ ॥ पर्युक्षन्नथ पर्येति ततः संपूज्य वै द्विजान् ।
त्वं विप्रस्त्वं कविरिति मन्त्रेणानेन भोजयेत् ॥ ५६ ॥ आशिषो वाचयित्वा तु शिवं वास्त्विति वाचयेत् ॥ ५७ ।। .
, वास्तुहोमाधिकारः।
प्रासादं भवनं प्रपादिकमथो यद्वापि यागालयं कृत्वा तक्षकरात् प्रगृह्य तु ततः सूत्रत्रयावेष्टितान् । कौश्या चापि च मालया तु परितः संवेष्टय धान्याक्षतैः सर्वत्र प्रविकीर्य पूर्णकलशं दीपं च मध्ये न्यसेत् ॥ ५८ ॥
ततः कृणुष्वादिकमत्र सूक्तं त्वर्धर्चशोऽन्ते तु दहाशंसाद्यम् । ऋचोऽर्घमायोज्य जपेदशेषं रक्षोध्नमेवं तु जपादिषु स्यात् ॥ ५९ ।।
कृत्वा पुनः स्थण्डिलमग्निभागे तत्रामिमाधाय यथाविधानम् ।
हुत्वा पुरैवाभिमुखं जुहोतु रक्षोहणं वाजिनमित्युभाभ्याम् ॥ ६० ॥ पुनः कृणुष्वादिभिरत्र मन्त्रैराज्येन हुत्वा तु यथाक्रमेण । तद्वद् विभिन्नैरथ पञ्चभिश्च वेदादिमन्त्रैर्जुहुयाच्चतुर्भिः ॥६१ ॥
इषे त्वेत्यादिना तद्वदग्निमीले तु चादिना ।
अग्नआयाहिपूर्वेण शन्नोदेवीरथादिना ॥ ६२ ॥ ततस्तु पञ्चदुर्गाभिर्वेदोक्ताभिर्जुहोति च । . जातवेदस इत्याद्या ऋग् दुर्गा प्रथमा भवेत् ॥ ६३ ॥
