एतत् पृष्ठम् परिष्कृतम् अस्ति
________________
१३१ ईशानशिवगुरुदेवपद्धतौ [सामान्यपादः
अथैकादशसंस्कारानुपनिष्क्रामणादिकान् । मूलेन वौषडन्तेन कुर्यात् त्रिस्त्रिर्घृताद्धृतात् ॥ १५२ ।।
तद्यथा ---- उपनिष्क्रामणान्नप्राशनचौलोपनयनोपाकर्मव्रतसंग्रहणव्रतोत्सर्जनगोदानसमावर्तनविवाहाग्न्याधानानीति यावत् । स्रुच्याज्यपूर्णायां चाथ विन्यस्याधोमुखं स्रुवम् । सुगग्रे पुष्पमाधाय पाणिभ्यां शङ्खमुद्रथा ॥ १५३ ॥
श्लिष्टदण्डौ तौ गृहीत्वा समपादतया स्थितः ।
सुगग्रे दत्तदृष्टिः सन् मूलेन हृदयादिना ॥ १५४ ॥
वौषडन्तेनाज्यधारां यवमात्रामखण्डिताम् । मन्त्रान्ते पातयेदग्नावित्थं पूर्णाहुतिर्भवेत् ॥ १५५ ॥ अनन्तरं भोः शिवाग्रे ! त्वदीये हृदयाम्बुजे ।
यागेऽस्मिन् शिवमावाह्य स्वनुज्ञाता यजामहे !! १५६ ॥ इति लब्धाभ्यनुज्ञोऽथ स्वासनाङ्गस्वमूर्तिभिः ।
वह्नौ शिवं समावाह्य शिवसन्धानमाचरेत् ।। १५७ ॥ वह्रिस्थशिवनासाग्रनिष्ठयूताच्छिन्नतेजसा। लिङ्गस्थशिवनासाग्रनिर्गतज्योतिषा सह ॥ १५८ ॥
सन्धानं पिङ्गलानाड्या त्वायागान्तं विभावयेत् ।
अभ्याज्यादिभिः प्रोक्तैर्हविर्भिस्तर्पयेच्छिवम् ॥ १५९ ॥
विध्युक्तानलजिह्वायां हूयमानं तु यद्धविः । अग्नेः सौषुम्नमार्गेण शिवमूर्ध्नि सुषुम्नया ।। १६० ।।
सन्धायामृतधाराभिर्हवीरूपाभिरीश्वरम् । तर्पयेत यथा स स्यात् प्रसन्नः स्वेष्टदः शिवः ॥ १६१ ॥
नाडीसन्धानाधिकारः। अथाज्यं च तिलाश्चान्नं साज्यं नित्ये हुतं स्मृतम् । A.-- - - - - - .. ... ..
