पुटमेतत् सुपुष्टितम्
॥ श्रीः॥
ॐ नमः सिद्धेभ्यः ।
अर्हद्दासविरचितं
श्रीमुनिसुव्रतकाव्यं नाम
काव्यरत्नम्।
प्रथमः सर्गः।
श्रियं स वः श्रीवृषभो विशिष्याद्
यस्यालिमालावृतवत् सभायाम् ।
बभौ नतेन्द्रोत्करमौलिनील-
प्रभावलीलालितमब्जपीठम् ॥ १ ॥
चन्द्रप्रभं नौमि यदङ्गकान्तिं
ज्योत्स्नेति मत्वा द्रवतीन्दुकान्तः।
चकोरयूथं पिबति स्फुटन्ति
कृष्णेऽपि पक्षे किल कैरवाणि ॥ २ ॥
तमांसि हत्वा जगतः पदार्थान्
प्रकाशयन्तं यमिव प्रदीपम्
ननाश मोहादभिपत्य कामः
पतङ्गवच्छान्तिजिनं भजे तम् ॥ ३ ॥
अबोधकालोरगलीढमूढ-
मबूबुधद् गारुडरत्नवद् यः ।
G, P. T. 1502, 500. 12-9-1105.B