पुटमेतत् सुपुष्टितम्
५
प्रथमः सर्गः ।
यत् स्थापनां नाम भुवं च कालं
द्रव्यं च भावं प्रति षट्प्रकारा ।
स्तुतिर्जिनस्य क्रियतेऽत्र तस्मात्
काव्यं ममैतत् स्तुतिरेव भूयात् ॥ २१ ॥
अथास्ति जम्बूविटपिच्छलेन
द्वीपेषु ग[१]र्वोन्नतमस्तकस्य ।
द्वीपस्य भर्माभरणेऽत्र खण्डे
रत्नायमानो मगधाख्यदेशः ॥ २२ ॥
यद्भूधरा भूतलसेव्यपादा
भूपा इवाक्रान्तदिगन्तरालाः ।
इन्दन्ति मत्तद्विपकैरवाक्षि-
कस्तूरिकाकाञ्चनरत्नखड्गैः ॥ २३ ॥
नगेषु यस्योन्नतवंशजाताः
सुनिर्मला विश्रुतवृत्तरू[२]पाः ।
भव्या भवन्त्याप्तगुणाभिरामा
मुक्ताः सदा लोकशिरोविभूषाः ॥ २४ ॥
उत्तुङ्गगोत्रप्रभवा भवत्यो
भजन्तु भूचक्रबहिष्कृतं किम् ।
इति स्रवन्तीरुदधिं सरन्ती-
रवैमि यत्रालिगणो रुणद्धि ॥ २५ ॥
तरङ्गिणीनां तरुणान्विताना-
मतुच्छपद्मच्छदलाञ्छितानि ।
