पुटमेतत् सुपुष्टितम्
८
काव्यरत्ने
पुरारिवैरप्रतिकारहेतो-
र्या मुक्तकेशव्रतमादितेव ॥ ३७ ॥
बहिर्वणे[१] यत्र विधाय वृक्षा-
रोहं परिष्वज्य समर्पितास्याः ।
कृताधिकारा इव कामतन्त्रे
कुर्वन्ति सङ्गं विटपैर्व्रतत्यः ॥ ३८ ॥
आरामरामाशिरसीव केली-
शैले लताकुन्तलभासि यत्र ।
सकुङ्कुमा निर्झरवारिधारा
सीमन्तसिन्दूरनिभा विभाति ॥ ३९ ॥
कण्डूतिशान्त्यै निजकर्णमूलं
सङ्घर्षयन्तः सरसीषु मीनाः ।
अम्भोजदण्डेषु विभान्ति यस्या-
मालानद[२]ण्डोष्विव हस्तिपोताः ॥ ४० ॥
वीथ्या हयानां दशया गजानां
श्रमैर्भटानां करणैर्नटानाम् ।
भुजाहतैर्मल्लगणस्य यस्या
जयन्ति बाह्यालिभुवो विशालाः ॥ ४१ ॥
अहो नु तीरद्रुमराजिराज-
द्विचित्रपुष्पोद्गमबिम्बितानि ।
उतोल्लसत्पन्नगभोगरत्न-
द्युतीनि यस्याः परिखाजलानि ॥ ४२ ॥
