पुटमेतत् सुपुष्टितम्
११
द्वितीयः सर्गः ।
भव्यैः किलोप्ताः सिततण्डुलौघाः
फलन्ति यस्यां बहुशः फलानि ॥ ५३ ॥
देवीनां मणिगृहमध्यवर्त्तिहैम-
प्रासादे सदलसकर्णिकाम्बुजाभे ।
आवासे यदधिभुवः कृताधिवासा
श्रीरासीद् ध्रुवमरविन्दमन्दिरा सा ॥ ५४॥
इत्यर्हद्दासकृतौ काव्यरत्ने भगवदभिजनवर्णनो नाम
प्रथमः सर्गः ।।
अथ द्वितीयः सर्गः।
अथाभवत् तस्य पुरस्य राजा
सुमित्र इत्यन्वितनामधेयः।
क्रियार्थयोः क्षेपणपालनार्थ-
द्वयादसत्सद्विषयात् सुपूर्वात् ॥ १॥
यं राजशब्दासहमन्यपुंसि
श्रुत्वा भयाढ्य: सुखरोचिरासीत् ।
स्तुतिप्रसक्ताः कवयो बभूवु-
र्यक्षोऽपि सत्यं धनदो बभूव ॥ २ ॥
कोपारुणेऽप्यक्षणि यस्य चित्रं
सकञ्चुकैः कुण्डलिभिः सनाथम् ।
शिवास्पदं काञ्चनवज्रपूर्णं
बभूव सर्वं नगरं रिपूणाम् ॥ ३ ॥
१. 'लास्ते फैं' क. पाठः.
