पुटमेतत् सुपुष्टितम्
३१
चतुर्थः सर्गः।
जाते जिने मा जनि भूजनानां
विपत्कणोऽपीति विभुत्वशक्त्या।
बन्दीकृतानीव भुवि ग्रहाणां
बलानि रेजुर्मणयो विकीर्णाः ॥ ३९ ॥
देवोत्तमाङ्गान्यखिलोत्तमाना-
मानम्यपादस्य विभोः प्रणामैः
सार्थं स्वनामेव विधातुकामा-
न्यानेमुरत्यद्भुतमात्मनैव ॥ ४०॥
जिनामृतांशोरुदितात् त्रिलोक्या-
मुत्कूलितस्य प्रमदाम्बुराशेः ।
प्रत्युज्ज्वलद्वीचिवशेन सत्यं
भद्रासनानि द्युसदां विचेलुः ॥ ४१ ॥
विज्ञाय तेनाधिपजन्म पीठा-
दुत्थाय सप्तेत्य पदानि नत्वा ।
प्रादापयन्मेघहयोऽतिमेघां
प्रस्थानभेरीमभिषेक्तुकामः ॥ ४२ ॥
शङ्खादयोऽर्हज्जननं प्रणादै-
रेकैकलोकं स्वमबूबुधंस्ते ।
तत् सर्वलोकानभिषेकयात्रां
सा बोधयामीति मदादिवाप ॥ ४३ ॥
ज्योतिष्कवन्योरगकल्पनाथा
भेरीप्रणादादवगम्य यात्राम् ।
१. 'ज्ज्व' क. पा.
