पुटमेतत् सुपुष्टितम्
८७
बलिदाननिर्णयः
कृत्वा घृतमयं व्याघ्रं नरं सिंहं तथैव च ।
अथ वाऽपूपविकृतं यवक्षोदमयं च वा ॥
घातयेच्चन्द्रहासेन तेन मन्त्रेण संस्कृतम् ।
तथा -
अवश्यं विहितं यत्र मद्यं तत्र द्विजः पुनः ।
नारिकेलजलं कांस्ये ताम्रे वा विसृजेन्मधु ॥
नापद्यपि द्विजो मद्यं कदाचिद्विसृजेदपि ।
ऋते पुष्पासवादुक्तात्कुजलाद्वा विशेषतः ।
इत्यादिना वर्णविशेषेण पशुविशेषनिषेधः, प्रतिनिधिविधानं च दृश्यते । तथा च मध्यदेशीयशिष्टाचारोऽपि तथा । तस्मात्सर्वेषां तदिति सिद्धम् । अत एवोपयुक्तपशुगतिकथनपूर्वकं घ्नतां दोषाऽभावः प्रतिपादितः -
भवानीप्राङ्गणे प्राणा येषां यान्ति वरानने ! ।
तेषां स्वर्गे चिरं वासो घ्नतां पापं न विद्यते ॥
तथा पुराणसमुच्चये श्रीकृष्णवाक्यम् --
महानवम्यां ये देव्या हन्यन्ते महिषादयः ।
सर्व्वे ते स्वर्गतिं यान्ति घ्नतां पापं न विद्यते ॥
