प्रत्यहं पूजनं कुर्यात्त्रिकालं भक्तितत्परः ।
अष्टम्यां जागरं चैव महापूजनपूर्वकम् ।।
होमं कुर्यान्महारात्रे बलिदानं च माघव !।
प्रातर्वै पारयेद्देवीं ब्राह्मणान् भोजयेत्तथा ॥
कुमारीणां च नवकं सम्भोज्यं विविधान्नकैः ।
स्वयं च पारणं कुर्याद्रात्रौ जागरणं तथा ॥
दशम्यामभिषेकं च कृत्वा मूर्त्तिं विसर्जयेत्। इति।
अत्रोपक्रमे अष्टम्यां जागरणाद्यभिधायाऽन्ते च
दशम्यामभिषेकादिकमुक्त्वा मध्ये च ‘प्रातर्वै पारयेत्”
इत्यादिना देवीपारणतर्पणकुमारीभोजनाद्यभिधायाऽनन्तरं
“स्वयं च पारणं कुर्यात्”इति वदताऽष्टम्युत्तरदिने दशमीपूर्वदिने च पारणमुक्तं. तदेव च नवमीदिनमिति सिद्धं
नवम्यां पारणमत्यपर लिङ्गम् ।
अथ तृतीयः ।
रुद्रयामले--
दुर्गात्सवे स्मृतं देव ! उपवासस्य सप्तकम्।
अष्टमे दिवसे होमस्ततः किं चित्तु भक्षयेत् ।इति।
अत्र कृतशुद्धसप्तोपवासस्य होमाऽनन्तरमशक्त्यादिना
