भूय इति । विद्रुतवतीं प्राद्रवन्तीमुपधाव्य वीर्यस्य रेतसः प्रमोक्षेण । त्वया
सम्मानितः तव महत्त्वं देव्यै उवाच ॥ १० ॥
इति देवानाममृतोपलव्धिप्रकारवर्णनं मोहिनीदर्शनेन शिवस्य धैर्यच्युतिवर्णनं च
एकोनत्रिंशं दशकम् ।
प्रतिज्ञानिर्वहणादौ धर्मे महाबलिर्दृष्टान्त इति तत्कथां तदुपयोगिभगवदवतारचरितं च प्रकाशयिष्यन् प्रथमं बलिविजयमाह---
|
शक्रेण संयति हतोऽपि वलिर्महात्मा |
शक्रेणेति । शक्रेण हतोऽपि शुक्रेण मृतसञ्जी[१]विन्याख्यया विद्यया जीवि[२]ततनुः । विश्वजिदाख्येन क्रतुना वर्धित ऊष्मा शक्तिर्यस्य । भयेन युद्धे निलीनाः सुरा यस्याम् । स बलिश्चक्रमुखात् सुदर्शनादभीतः, प्रह्लादवंश्यत्वात् ॥ १॥
|
पुत्रार्तिदर्शनवशाददितिर्विषण्णा |
पुत्रेति । पुत्रस्यार्तिः इन्द्रस्य स्वर्गापहरणजा पीडा । तदुदितं काश्यपोदितम् ॥ २ ॥
|
तस्यावधौ त्वयि निलीनमतेरमुष्याः |
