|
सपदि सा हृतवालकचेतना निशिचरान्वयजा किल पूतना । |
सपदीति । हृतवालकचेतना बालघातिनीत्यर्थः ॥ ५ ॥
|
ललितभावविलासहृतात्मभिर्युवतिभिः प्रतिरोद्धुमपारिता । |
ललितेति । युवतिभिर्गोपीभिः प्रतिरोद्धुं लङ्घयितुमपारिताशक्या सती भवनान्ते निषेदुषी उपविष्टा प्रददुषी दत्तवती । कपट आत्मा मनो मूर्तिर्वा यस्य ॥ ६ ॥
|
समधिरुह्य तदङ्कमशङ्कितस्त्वमथ बालकलोपनरोषितः । |
समधिरुह्येति । बालकानां लोपनेन मारणेन रोषितः प्रतिचुचूषिथ आम्लाद् वक्रे निवेश्यौष्ठाभ्यामवपीड्य बहुशो निष्ठीवनं कृतवान् ॥ ७ ॥
|
असुभिरेव समं धयति त्वयि स्तनमसौ स्तनितोपमनिस्वना । |
असुभिरिति । असुभिः प्राणैः समं सह धयति पिबति सत्यसौ पूतना स्तनितोपमो मेघध्वनिसदृशो निस्वन आक्रन्दितं यस्याः सा तथा ॥ ८ ॥
|
भयदघोषणभीषणविग्रहश्रवणदर्शनमोहितवल्लवे । |
भयदेति । भयदद्घोषणस्य भीषणविग्रहस्य च श्रवणेन दर्शनेन च मोहिता वल्लवा गोपा यत्र ॥ ९ ॥
