पुटमेतत् सुपुष्टितम्
1952.]
श्रीपद्मिनीपरिणये षष्ठोऽङ्कः
भास्क—भद्रे !
- अत्र समाश्वासकरं वस्तु न पश्यामि मन्मथशरार्तेः ।
- पुलकितमानन्देन स्विन्नं गात्रं च जायते कस्मात् ॥
अरु-(अप) सखे ! समाश्वसिहि ! मम जीवितहेतोस्तव जीवातुरत्रैव वर्तते ।
भास्क-( सामोदम्) भद्रे भ्रमरिके ! यदि दर्शयसि दृश्यां मम जीवितदानसुकृतं प्राप्स्यति ।
भ्रम-(सस्मितम्) (भास्करकरमवलम्ब्य)। इतो दृश्यताम् (इति पद्मिनीं दर्शयति)
अरु–सखे ! भद्रमस्तु (इति निष्क्रान्तः) ।
भास्क--
- जीमूतान्निर्गता सेयं हन्त सौदामनीलता ।
- दिष्ट्याऽद्य विलयं नैति जगदेकविलासिनी ॥
भद्रे ! मधुव्रते ! भ्रमरिके !
- युवाभ्यां प्रापिता साध्वी मम सन्तनुते मुदम् ।
- श्रद्वया प्रज्ञया विद्या लम्भितेव विनिर्मला ॥
भ्रम-हळा ! अह्मो गच्छह्यो । (हला ! आवां गच्छावः) । (इति निष्क्रान्ते)
भास्क-
- मातः कैटपवैरिप्रेयसि भवतीं विना परं दैवम् ।
- अस्ति किममर्त्यवन्द्ये स्वस्ति विधातुं नृणामलं भजताम् ॥
अयि जीवितसञ्जीविनि ! प्रदेहि परिष्वङ्गं मङ्गलाय मे ।
(इति पद्मिनीमालिङ्गन् निप्क्रान्त: )।
॥ इति पद्मिनीपरिणये षष्ठोऽङ्कः ॥
69
