पुटमेतत् सुपुष्टितम्
३५
गणेशमानसपूजा
ततः सुखोष्णेन जलेन चाह-
मनेकतीर्थाहृतकेन ढुण्ढिम् ।
चित्तेन शुद्धेन च स्नापयामि
स्नानं मया दत्तमथो गृहाण ॥ १२
ततः पयःस्नानमचिन्त्यभाव
गृहाण तोयस्य तथा गणेश |
पुनर्दधिस्नानमनामयं त्वं
चित्तेन दत्तं च जलस्य चैव ॥ १३
ततो घृतस्नानमपारवन्द्य
सुतीर्थजं विघ्नहर प्रसीद |
गृहाण चित्तेन सुकल्पितं तु
ततो मधुस्नानमथो जलस्य ॥ १४
सुशर्करायुक्तमथो गृहाण
स्नानं मया कल्पितमेव ढुण्ढे ।
ततो जलस्नानमघापहन्तृ
विघ्नेश मायां मम वारयाशु ॥ १५
