१४० बृहन्नीलतन्त्रम् । इति ते कथितं भद्रं प्रयोगं सिद्धिदायकम् । अष्टमीसन्धिवेलायां अष्टोत्तरशतं जपेत् ॥ ६ ॥ सप्तदिनप्रयोगेन सिद्धिमानोति मानवः । शनौ च सन्धिवेलायां गृहे लताख्यकं यजेत् ॥ ७ ॥ जपेदेकाकी विजने लतासाधनतत्परः । एवं कृते महादेवि सिद्धिमानोति साधकः ॥ ८ ॥ पूर्वोक्तकल्पमासाद्य पूजादिकं समाचरन् । केवलं कामदेवोऽसौ जप्त्वा चाष्टोत्तरं शतम् ॥ ६ ॥ सप्ताहाभ्यन्तरे देवि महदैश्वर्यमाप्नुयात् । विशेषं शृणु चार्वङ्गि तन्त्रेषु सर्वकामदम् ॥ १० ॥ येन विज्ञानमात्रेण सिद्धयोऽष्टौ भवन्ति हि । तासां मूले तु देवेशि उग्रां संपूज्य साधकः ॥ ११ ॥ महासिद्धिर्भवेद् देवि सत्यं सत्यं वरानने । कुलाकृष्टलतागारे लिखित्वा मन्त्रमेव च ॥ १२ ॥ प्रपूज्य तत्र संस्कारं कृत्वा तस्यै निवेदयेत् । किञ्चित् जप्तं मनुं नीत्वा देवताभावतत्परः ॥ १३ ॥ तां प्रपूज्य नमस्कृत्य स्वयं जप्त्वा सुसंयतः । प्रातः स्त्रीभ्यो बलिं दत्त्वा मन्त्रसिद्धिर्भवेन् नृणाम् ॥ १४ ॥ भूमिपुत्रसमायुक्ता अमावास्या शुभप्रदा । भाद्रे पुष्करयोगेन तस्यां वीरवरोत्तमः ॥ १५ ॥ विष्णुक्रान्तां समानीय निक्षिपेद् मृतभूमिषु । तत्र तां सचितां कृत्वा तद्दिने मृतहट्टके ॥ १६ ॥ तत्र प्रसार्य तां मत्स्यत्वक्स्नेहेन दापयेत् । तज्जलेनाभिषेक च पूर्ववच्च शवोपरि ॥ १७ ॥
पृष्ठम्:बृहन्नीलतन्त्रम्.djvu/१६५
एतत् पृष्ठम् परिष्कृतम् अस्ति
![](http://upload.wikimedia.org/wikipedia/commons/thumb/e/e1/%E0%A4%AC%E0%A5%83%E0%A4%B9%E0%A4%A8%E0%A5%8D%E0%A4%A8%E0%A5%80%E0%A4%B2%E0%A4%A4%E0%A4%A8%E0%A5%8D%E0%A4%A4%E0%A5%8D%E0%A4%B0%E0%A4%AE%E0%A5%8D.djvu/page165-1024px-%E0%A4%AC%E0%A5%83%E0%A4%B9%E0%A4%A8%E0%A5%8D%E0%A4%A8%E0%A5%80%E0%A4%B2%E0%A4%A4%E0%A4%A8%E0%A5%8D%E0%A4%A4%E0%A5%8D%E0%A4%B0%E0%A4%AE%E0%A5%8D.djvu.jpg)