नृपमन्दिरमिन्दिराश्रयं
विविशुस्ते भ्रमरा इवाम्बुजम् ॥ ४५ ॥
ददृशुर्मणिविष्टराश्रयं
कमलोल्लासकरं नरेश्वरम् ।
उदयाचलशृङ्गसङ्गिनं
दिवसाधीशमिवोज्ज्वलद्युतिम् ॥ ४६ ॥
शिरसैव दधार साञ्जलिं
परिणेतुः प्रणता शकुन्तला |
वदनेन्दुरुचेव मीलितं
भुजनालद्वयमेकमम्बुजम् ॥ ४७ ॥
घनमाच[१] रणभ्रु लज्जया
धवलक्षौमपटावकुण्ठिता ।
विरराज तदा शकुन्तला
शरदभ्रावरणेव चन्द्रिका ॥ ४८ ॥
धवलातपवारणादृते
सितबालव्यजनद्वयं विना ।
उदितः सुरयोषिता तया
नृपसूनुः पितुरग्रहीत् पदम् ॥ ४९ ॥
विजयस्व विशामधीश ! मां
ननु माध्वीम[२] धुना स्मरि[३]ष्यसि ।
नहि जातुचिदाश्रितो जनः
सुजनानां हृदयान्निवतते ॥ ५० ॥
