जलाशयस्यान्तरगाढमार्ग-
मलब्धबन्धं गिरि चौर्यवृत्त्या |
लोकेष्वलं कान्तमपूर्वसेतुं
बबन्ध कीर्त्या सह कुन्तलेशः ॥ ४ ॥
प्रदेशवृत्त्यापि महान्तमर्थं
प्रदर्शयन्ती रसमाददाना ।
सा भारवेः सत्पथदीपिकेव
रम्या कृतिः कैरिव नोपजीव्या ॥ ५ ॥
बृहत्कथाकारसुबन्धुबाणा:
केषामिवाश्रर्यपदं न ते स्युः ।
यतः प्रसिद्धैरपि गद्यबन्धैः
क्ष्लोकानने[१]कान् भुवने वितेनुः॥ ६ ॥
प्रसादहृया हृदये गभीरा
वक्रोक्तिशैलीशबला रसार्द्रा ।
श्रुत्यापि पुंसां हृदयं हरन्ती
कस्यापि वाणी वनिता च वश्या ॥ ७ ॥
का सा कृतिः कस्य रसं प्रसूते
नोचेदपूर्वार्थरसानुकूला |
नालङ्क्रियामात्रपरा फलाय
भूयात् कवीनां च मृगीदृशां च ॥ ८ ॥
निर्मथ्यमानः सुमनोभिरेव
निष्ट्यूतपीयूषरसो गभीरः ।
