जगति विस्तृत कीर्त्तिलताव[१]ले-
र्गुरुमुपघ्नमिुवोपपयोनिधि ।
उपलदण्डमुदारपदाक्षरं
नरपतिर्निचखान जयाङ्कनम् ॥ १३ ॥
तदनु नौषु विशेषविचक्षणाः
स्थलचरा इव वङ्गमहीक्षि[२] तः ।
जलधिमेत्य गतागतवेदिनो
विदधिरे भरतं घृतकार्मुकम् ॥ १४ ॥
तदनु मारुतमस्त्रमुदीरयन्
मणिगणानिव शङ्खवरा [३] श्रयान् ।
पवननिर्घुतपोतसमाश्रया-
नयममूनुदकर्षदुदन्वतः ॥ १५ ॥
जलमुचामिव मौक्तिकवर्षिणां
क्षितिभृतां क्षितिपालमहोदधिः ।
वितरति स्म स जीवनमक्षयं
विनम[४]तां समयादभिवर्षताम् ॥ १६ ॥
विजययष्टिमशे[५]षजनार्चितां
त्रिपथगोदधिसंगमरोधसि ।
नरपतिर्निचखान शिलामयी-
मभयदां प्रतिमा[६]मिव शाम्भवीम् ॥ १७ ॥
