सलिलकेलिषु चोलमृगीदृशां
कुचविघट्टनयेव कृतश्रमा ।
भरतकुञ्जर कुम्भतटाहर्ति
घनतमामसहिष्ट सरिद्वरा ॥ २९ ॥
नगरपञ्जरनिमितविग्रहं
तदनु चोलमृगेन्द्रमसौ नृपः ।
अभयदाननि[१]वर्तितविक्रि[२]यं
नमयति स्म करग्रहणेन तम् ॥ ३० ॥
अथ जयाय स पाण्ड्यमहीपतेः
कटकमाभरणं प्रथितं भुवः ।
कनकसारविनिर्मितमभ्यगा-
न्मणिमयं मणलूरपु[३]राह्वयम् ॥ ३१ ॥
हृदि लुठन्नवमौक्तिकमण्डनां
शफरलोलदृशं कुमुदस्मिताम् ।
बलभरेण ममर्द महीपतिः
प्रियतमामिव रत्नसुवं नदीम् ॥ ३२ ॥
तदनु पाण्ड्यमखण्ड्य पराक्रमं
तनुतरेण रणेन विजित्य सः ।
कनकमौक्तिकरत्नचयाञ्चितं
करमिवाप करं विजयश्रियः ॥ ३३ ॥
जितवता भरतेन यशोर्थिना
विलिखिता निजनामपदाक्षरैः ।
