विनिहिता विजयाङ्कशिलोदधे-
स्तटभुवि प्रतिमेव जयश्रियः ॥ ३४ ॥
अयमपि क्षितिधारणकर्मणा
क्षितिभृदेव बलेन विलङ्घयताम् ।
इति स सह्यमलङ्घयदुच्छ्रितं
कटकदुर्गधरं कनकाश्रयम् ॥ ३५ ॥
तटभुवि स्फुटितोज्झितबीजया
विततया सुरभीकृतमेलया ।
पपुरमुष्य बलानि यथेप्सितं
तदनु सह्यभुवां सरितां जलम् ॥ ३६ ॥
अथ गिरेरिव पक्षपरम्परां
जलनिघेरुपरि प्रविसारिताम् ।
परशुराममहास्त्रविनिर्मिता-
भवततार महीं स महारथः ॥ ३७ ॥
कलितनीतिरसौ कि[१]ल केरल-
क्षितिपतिः पुनरात्मसमर्पणात् ।
अनुविवेश शशीव दिवाकर
रुचिरया क[२]लया भरतं विभुम् ॥ ३८ ॥
तदनु पश्चिमसागरपारगं
समधिगम्य स राजकमण्डलम् ।
वसुचयं हरति स्म यथोचितं
न तु निसर्गकृतां श्रियमक्षताम् ॥ ३९ ॥
