अस्त्राणि तेषां प्रतिहन्यमाना-
न्यासन् मिथो योद्धुमिवोधतानि ॥ ४३ ॥
कर्मारवह्नौ बहुशोऽवगाहा -
दन्तर्निगीर्णानिव विष्फुलिङ्गान् ।
अन्योन्यसङ्घट्टनया भटानां
कृशानुलेशान् मुमुचुः कृपाणाः ॥ ४४ ॥
तेषां मदोद्धान्तमधुव्रतेषु
प्रबुद्धताम्रोदरपुष्करेषु ।
करीन्द्रकासारकुलेषु पेतुः
कुन्ताः शकुन्ता इव पक्षपाताः ॥ ४५ ॥
तुरङ्गवाहाश्चतुरं तुरङ्गै-
श्चक्रुश्चरन्तो युधि पञ्च धाराः ।
शस्त्रैश्च शातैः शतधारकल्पै-
र्धाराशतं शत्रुषु लोहितानाम् ॥ ४६ ॥
मुहुर्मुहुर्दैत्यवरान् व्रजन्ती
तथामरानप्यसकृद् भजन्ती ।
गतागताभ्यां किल साम्पराये
ययौ जयश्रीश्विरमव्यवस्थाम् ॥ ४७ ॥
मायाप्रयोगेषु कृताभियोगान्
दैत्यान् परोदञ्चितवीर्यगर्वान् ।
हन्तुं न शेकुस्त्रिदशाः सशक्रा-
स्तानिन्द्रियार्थानिव देहभाजः ॥ १८ ॥
