न दैत्यवक्षोभिदुरं बभूव
रणे प्रहर्तुर्भिदुरं मघोनः ।
स वारणस्तस्य न वारणोऽभू-
दैरावतः क्षीणविषाणकोटिः ॥ ४९ ॥
विक्षोभयन्तीं सुरवाहिनीं तां
मदेन शैलानपि कम्पयन्तीम् ।
स राजसिंहः सहसा प्रसह्य
दैत्येन्द्र मातङ्गघटां रुरोध ॥ ५० ॥
स मातलिं चोदय चोदयाश्वा-
निति स्फुटोज्जृम्भितचापघोषः ।
अमोघमेकं समधत्त बाणं
दैत्यान्तकं देव इवेन्दुमौलिः ॥ ५१ ॥
स तेन मुक्तेन निकृत्तकण्ठैः
सुरद्विषामान नपुण्डरीकैः ।
अभ्यर्चयामास कृतान्तमग्रे
दैत्योपहारैरिव त[१]र्पयिष्यन् ॥ ५२ ॥
आच्छादयामासुरमुं पृषत्कै-
रच्छिन्नपातैररयः सुराणाम् ।
गर्जन्त एवाद्रि मुदस्तशृङ्ग-
मासारावर्षैरिव वारिवाहाः ॥ ५३ ॥
निर्भिन्नदेहावरणान्निजाङ्गा-
न्निर्धूय नीडा (मि ? दि) व पत्रिणस्तान् ।
