आक्रष्टुकामेव विभूतिमन्या
डीपान्तरस्थामपि सारभूताम् ।
चक्रे स्वयं या भृशमुन्नताभि-
रुद्ग्रीविकां सौधपरम्पराभिः ॥ १५ ॥
यत्सालमालम्बितमम्बुवाहा-
स्तुङ्गाग्रमारोढुमशक्नुवन्तः ।
निम्ने पतित्वा परिखाम्बुपूरे
ममज्जुरम्बुग्रहणेच्छयेव ॥ १६ ॥
तुङ्गानि यस्या[१] मणिगोपुराणि
विष्वक्कृत द्वारपरम्पराणि ।
महेन्द्रवज्रक्षतजातरन्ध्र-
शैलेन्द्रशङ्कामदिशञ्जनानाम् ॥ १७ ॥
नितम्बबिम्बादिव रत्नसालाइ
गङ्गाम्बुवासो गलितं पुरस्तात् ।
दधार या रत्नकरप्रसारैः
क्ष्लथतरङ्गाश्चलनीविबन्धम् ॥ १८ ॥
विकस्वरा वज्रकरैरसङ्ख्यैः
सौधेषु सौधेषु सुधाभिरामा ।
नोत्तुङ्गभावान्नपरं श्रियापि
या लङ्घयामास पुरीं सुराणाम् ॥ १९ ॥
लक्ष्मीगृहीत्वा जलधेः स[२]रत्नाः
पौ[३]राङ्गनाव्याजवतीरसङ्ख्याः ।
