अथानिलैरश्मरजोम्बुगर्भै-
र्मायामयैस्तं दितिजाः प्रजह्रुः ।
अपाहरत् तान् निखिलान् नृपोऽस्खै-
रुस्त्रैः सहस्रांशुरिवान्धकारान् ॥ ६० ॥
निर्मुक्त पत्रिप्रकरानुदग्रान्
वेगं शराणां प्रविधाय भूयः ।
निष्पत्रतामेष निनाय शत्रू-
नारण्यवृक्षानिव दाववह्निः ॥ ६१ ॥
छिन्नायुधारिछन्नपरिच्छवास्ते
सन्ना बभूवुर्भरतेन दैत्याः ।
कोदण्डपाणिस्तमृते न कश्चि-
च्छ[१] त्रून् नियन्तुं खलु दुर्विनीतान् ॥ ६२ ॥
ब्रह्मास्त्र[२]मुख्यानि महास्त्रजाला-
न्यस्मै सरोषं ससृजुः सपत्नाः ।
अस्त्रैः स तैरेव रुरोध तानि
म[३]होन्तराणीव महोभिरर्कः ॥ ६३ ॥
स कण्टकान् दानववंशजातान्
पीडाकरानैन्द्रपदे नितान्तम् ।
उद्धृत्य शस्त्रैरविषह्यपातान्
युद्धस्य पारं भरतो जगाम ॥ ६४ ॥
मुक्तानि तस्मिन् पुरसुन्दरीभि-
र्मन्दारमाल्यानि मनोहराणि ।
