आर्द्रीभवत्यपि दृषत् कठिनास्य योगे
सोऽपि स्वयं पतति कालवशान्मृगाङ्कः ॥ ४४ ॥
रात्रेः प्रयाणशिथिलं शिथिलोडुचक्र-
मामोदलुब्धमधुपाकुलमन्धकारम् ।
आक्रष्टुमिच्छति करैरतिरागलोलै-
र्विस्त्रस्त पुष्पमिव केशकलापमर्कः ॥ ४५ ॥
स्तोकोद्गतोऽपि रविशेष सरोजिनीपु
पुष्णाति सम्पदमपास्यति कोकशोकम् ।
तेजस्विनामनतिलङ्घ्यमहोदयाना-
मीषत्कराः खलु भवन्ति परोपकाराः ॥ ४६ ॥
आमोदलोलुपशिलीमुखपातभीत्या
निद्रां मदार्द्रमभिवेष्टय कटं करेण ।
आलानरोधपरिजिह्नितपार्श्वशय्याः
स्तम्बेरमाः स्तिमितकर्णममी वहन्ति ॥ ४७ ॥
वाहानिह क्षणसुषुप्तविनीतनिद्रा-
नभ्यर्णवर्तिबडबेक्षणजातहेषान् ।
आधूत[१]शिञ्जितनिगालविलम्बिभाण्डान्
हा[२]हो[३]रवेण शमयन्ति तुरङ्गपालाः ॥ ४८ ॥
म्लिष्टं यदीरितमुपश्रुति मुग्धवध्वा
साशङ्क्या प्रियतमं प्रति निःशलाके ।
तत् तारतारमधुना शतशः पठन्तः
कीराः किरन्ति पिशुना इव मन्त्रगुह्यम् ॥ ४९ ॥
