[१]पञ्चधाराविशेषज्ञैः सादिभिः परिचोदिताः ।
सत्त्ववन्तोऽपि तुरगाश्चक्रुर्व्योम रजोमयम् ॥ १७ ॥
तच्चामरलसत्पार्श्वमश्वीयं नैव केवलम् ।
दिवि तत्खुरघोषोऽपि चकारोच्चैश्रवोगतिम् ॥ १८ ॥
राजेन्दुं भूवयामासुः श्यामास्ताः करिणां घटाः ।
मुक्तादामपरिस्तोमाः सतारा इव रात्रयः ॥ १९ ॥
रत्नहेमलसत्तुङ्गदन्तोल्लसितपुष्कराः ।
रेजिरे वेणुकाक्रान्तास्ते शैला इव दन्तिनः ॥ २० ॥
अपि तान् दानसुमुखान् मामोत्तुङ्गान् महाधनान् ।
परिजह्नुस्तदुचितं मातङ्गान् मार्गवर्तिनः ॥ २१ ॥
कुम्भनिक्षिप्तरत्नौघास्तोत्रारित्रप्रभाविताः
ते पोतभावमभजन नागाः परिणता अपि ॥ २२ ॥
मुक्ताः संयोजिताः साधु गुणवद्धीरनायकाः |
हारा इव रथास्तस्य तां सेनां समभूषयन् ॥ २३ ॥
सूत्रकारकृतारम्भाः पताकास्थापनान्विताः ।
नाट्यबन्धा इव रथास्ते रेजुस्तुङ्गनायकाः ॥ २४ ॥
ततस्ततकरो दिक्षु प्रतापनि धिरुज्ज्वलः ।
स भेजे विशिखां दीर्घा भास्वानिव न[२]भःस्थलीम् ॥ २५ ॥
लघवस्तस्य मलिनाः क्षुद्राः स्यन्दनपांसवः ।
अग्रादग्रादनीयन्त दुर्जना इव वायुना ॥ २६ ॥
