सागरे सलिलकेलिलालसः
स्तोकमुद्धृतकरो नभस्तले ।
दर्शितानन इवेन्द्रवारण :
प्राचे साचि दहशेऽथ चन्द्रमाः ॥ १७ ॥
यामिनीरमणबिम्बमुल्बणं
चक्रमायुधमिवाङ्गजन्मनः ।
आवभौ पयसि पाथसां निधे-
रूर्मिंशाणकपणादिवोज्ज्वलम् ॥ १८ ॥
लम्बयन् घनतमास्तमोजटाः
स्ता[१]रयन् दिवि शनैः शनैः करान् ।
भस्मपाण्डुरतनुर्निशाकरो
नृत्यतः श्रियमवाप शूलिनः ॥ १९ ॥
इन्दुना कुमुदिनी विकासिता
कर्कशा दृषदपि द्रवीकृता ।
तेन सा कमलिनी निमीलिता
कः समस्तहृदयङ्गमो जनः ॥ २० ॥
गोकुलं निजमुदन्वदम्भसः
क्षालितोत्थितमिवामलप्रभम् ।
श्यामलं तिमिरशष्पमण्डलं
खादयन्निव पुपोष चन्द्रमाः ॥ २१ ॥
नीललाञ्छनधरं निशाकरं
योषितः सरसमाशशङ्किरे ।
