[१]विश्लथन्निबिडनीवि योषिता-
मम्बरं मृदु रहस्यरक्ष्यपि ।
तां जगाद दयिताङ्गसङ्गमे
मुद्रया हृदि परां रिरंसुताम् ॥ ४३ ॥
प्रेषितः प्रणयिनोपमेखलं
पाणिराकुलमरोधि बालया |
वारितोऽपि मुहुरुत्सुकश्चिरं
नाभिमानगणनां चकार सः ॥ ४४ ॥
विस्तृतं जघनमेदिनीतलं
कामिनी हृतदुकूलमाकुला ।
अक्षमा स्वयममुष्य गोपने
प्रेयसे मदनसाक्षिकं ददौ ॥ ४५ ॥
मुक्तमौक्तिकमनोज्ञमेखला
निर्गल[२] न्निबिडनीविबन्धना ।
गाढमाशु परिरभ्य सत्रपा
पर्यधत्त रमणाङ्गमङ्गना ॥ ४६ ॥
गाढदष्टरदनच्छदं मुहुः
सीत्कृतार्धमुकली कृतेक्षणम् ।
वक्रमासबसुगन्धि योषितां
चुम्ब्यमानमपि चुम्बितं प्रियैः ॥ ४७ ॥
कृत्स्नमेव र[३]दनच्छदामृतं
पातुमुत्सुकधियापि योषितः ।
