बिन्दुमात्रमधरेऽवशेषितं
कामिना दशनपातमुद्रया ॥ ४८ ॥
पूगनागलतिकादलं प्रियः
प्रेयसीललितदन्तखण्डितम् ।
आचकर्ष ध[१]नसारसौरमं
रागसारमिव कामिनीमुखात् ॥ ४९ ॥
पञ्चभिर्नखमुखैर्वि[२]लेखितं
प्रेयसा स्तनयुगं मृगीदृशः ।
व्यज्यमानदलभेदमाबभौ
जृम्भमाणमिव पङ्कजद्वयम् ॥ ५० ॥
सीत्कृतानि सरसानि योषि[३]तः
श्रोतुमुत्सुकतमेन कामिना ।
वर्तुलं गलपुटं प्रवर्तितं
दं[४]शनेन मणिदाममण्डनम् ॥ ५१ ॥
गद्गदेन शकलीकृताक्षरं
भाषितं तदनु योषितामभूत् ।
सूक्ष्मलक्ष्मभिदुरैरभङ्गुरैः
खण्ड्यमानमिव कामसायकैः ॥ ५२ ॥
ऊरुतोरणयुगे मृगीदृशः
श्रोणिचक्रमधिकर्तुमिच्छता ।
कामिना नखमुखैर्निवेशिता
मन्मथस्य महिताः प्रशस्तयः ॥ ५३ ॥
