सोपचारमुपगृह्य निर्दयं
वक्षसा स्तनतटे शयालुना |
लज्जितापि कुशलेन कामिना
मज्जिता नववधूः स्मरार्णवे ॥ ५४ ॥
योषितश्चपलमक्षि चुम्बत
श्चापलं हृदि बभूव कस्यचित् ।
नूनमन्यगुणसंक्रमो नृणां
जायते परिचयेन भूयसा ॥ ५५ ॥
कान्त ! सीदसि यादे प्रसीद मे
भारमेनमहमुद्रहामि ते ।
इत्यकाण्डरतिभङ्गभीतया
कस्यत्तिद दयितया नरायितम् ॥ ५६ ॥
कान्तकण्ठकुहरे वि[१]वर्तितं
मञ्जुलं मणितमातुमिच्छती ।
अन्तरुत्सुकतमा [२] प्रियानने
नूतना सुतनुराननं ददौ ॥ ५७ ॥
नोपगूढमचिरोढया वपुः
श्लिष्यतोऽपि दयितस्य लज्जया ।
विक्रिया हृदि तया न संवृता
सा च तस्य रतये पदं ददौ ॥ ५८ ॥
अन्यया रतिविधौ नरायिते
पीवरोरुजघनस्तनं वपुः ।
